أنا مش عارفة أكتب عن دورة تخطي جروح الأب❤‍🩹 (في الموقع الإلكتروني) أو دورة الثيتاهيلينغ الوزن المثالي💃🏻
اكتشفت انه فيه علاقة متينة بينهم ومرتبطين ببعض .. جايين حلوين ومتناسقين ومنسجمين مع بعضهم 💞 سبحان الله العظيم.

عدد كبير من المعتقدات اللي اكتشفتها عندي من دورة الوزن المثالي كانت مرتبطة بحبي الشديد لأبوي وأهله، بالرغم من وجود علامات وأسباب لجروح الأب عندي (مثل ما تم شرحه في دورة تخطي جروح الأب)، واللي بالتالي سببت انفصال بيني وبين جسمي وأدت إلى آلام جسدية وإصابات رياضية كنت أعاني منها من فترة المراهقة ومرتبطة بعلاقتي القوية الخفية بأبوي (حتى أبوي نفسه أصيب إصابات رياضية في نفس الجزء من جسمه وهو في عقد العشرين).
دورة تخطي جروح الأب هي الدورة الوحيدة حتى الآن اللي حرصت اني أخلصها في نفس اليوم بدون انقطاع بسبب الكركبة المالية اللي صارت معاي بالفترة الأخيرة، لأني اشتغلت على كل شيء إلا جروح الأب لأني في علاقة صداقة مع أبوي. وظليت أبكي وأنا أحضرها من البداية وللنهاية. والتوضيحات اليومية تخليني في حالة ذهول كل مرة أسمعها من عمق جروح الأب عندي والتغييرات السريعة بالوعي اللي تصير معاي، الحمد لله والشكر .. وطبعاً كل يوم أقول لنفسي: "أنا إيش سويت بنفسي!! كان حضنت أبوي وخلصت"🫂💞

والعجيب والحلو في الأمر اني حضرت دورة الوزن المثالي في رابع يوم من سماع توضيحات تخطي جروح الأب واكتشفت الربط اللي بيني وبين جسمي وعلاقتي بأبوي. لدرجة إنه سماع التوضيحات في صباح اليوم الخامس (بعد دورة الوزن المثالي) هزتني وخلتني أسمع بطريقة مختلفة لكل جملة في التوضيح مع انهيار بالبكاء.

مثل ما ذكرت كوتش عفاف، اللي يبغى الأهداف والأموال والنجاح والمتعة وكل شيء بالحياة، يتصل بجسمه ويكرمه .. الله يكرمك كرامة الدارين كوتش ويبارك فيك 💞🙏